BEGI BERDEAK

Txikitan, eguneroko bat oparitu zidaten, bertan, egunean bizitako abenturak idazten nituen. Gustua hartu nion eta ohitura bihurtu zen gauero egunerokoan idaztea, bai egun txarrak eta bai onak.

Oraindik ere, nire sentimenduak orri txuri baten idazten ditut, izan ere, asko kostatzen zait, nire sentimenduak jende aurrean adieraztea. Horregatik blog baten bitartez jakinarazten diet nire lagunei nire pozak eta tristurak. Eta hitzekin batera, egoera islatzen duen argazki bat igotzen dut.

Egun batean, iruzkin berri bat jaso nuen, ez zen ezaguna. Bi lerro besterik ez ziren, baina harritu ninduten. “ kaixo! Benetan argazki polita gaur igotako, egunero gero eta politagoa zara…” irakurri bezain laster, bere blogen sartu nintzen, baina ez, ez nituen ezagutzen argazkian ateratzen ziren berde koloreko begi horiek.  Momentu batez, txundituta geratu nintzen pantailari begira eta bere iruzkina erantzun nuen. Hortik aurrera ohitura bihurtu zen gure blogak bisitatu eta iruzkinak idaztea. Gaua iriztea desiratzen nuen bere iruzkin berria irakurtzeko. Hiru hilabete eta 90 iruzkin eta gero, biziki maiteminduta nengoen.

Nahiz eta pantailaren beste aldean egon, begiak ixten ditut, arnasari eusteko eta zabaltzen ditudanean,  munduko irribarrerik politena ikusten dut, baita begi berde horien argitasuna ere. Orduan konturatzen naiz, nire ametsetako mutila dela.

Zer da bloga?

Orain arte informazioa profesionalen esku zegoen. Haiek ziren lan hau betetzen zutenak, baina gaur egun, guztiok dugu gustuko dugun informazioa sarean eskegitzeko aukera, blog baten bitartez. Izan ere, edonork sortu dezake blog bat.

Horrela, lehen aipatu bezala, gustuko egunkari bat sortu dezakegu, informazio zehatz batean oinarrituta, askatasun osoz, iritziak, poesia edo norberaren idatziak argitaratuz. Esaterako, nire herriari buruzko blog bat sortu dezaket herritar guztiak herrian gertatzen denaren berri izateko.

Nik esaterako, fotolog izeneko blog bat izan nuen, bertan, egunero argazki bat eskegi eta lerro batzuk idazten nituen gertakizunen arabera, horrela nire lagunek nire ekintzen berri izateko aukera dute, eta era berean, alderantziz. Gainera iruzkinak egiteko aukera dago.

Hala ere, fotolog ez da  nire azkeneko bloga izan, orain dela urte bat, tuenti-ko kontu bat egin nuen. Tuenti modan dagoen sare soziala handia da, eta blog baten ezaugarrik ditu. Argazkiak igo eta konpartitu daitezke, iruzkinak idatzi, sarrerak egin edo zure datu pertsonalak idatzi, nahi izanez gero. Nahiz eta tuenti bere alde txarrak izan, esaterako, anonimatua guztiz galtzen da, nik asko erabiltzen dudan sarea da. Gainera, ekitaldi, berri edo kontzertuen berri ematen dizu, agenda pertsonal bat sortuz.

Nire ustez, webgune eta blog baten arteko ezberdintasunik nabarmena, diseinua da. Blog bat, pertsonalizatu egin dezakezu, baina berak emandako gorputza erabilita. Webgune bat, guztiz sortzen duzu, kolore, letra… aukeratuz.

Nire ustez, blog-a oso interesgarria da. Sortzeko eta erabiltzeko oso erraz da, eta edonork sortu dezake, iritzi eta informazio ezberdinak konpartituz.