EUSKALDUNON EGUNKARIA

Orain dela zazpi urte Euskal Herriak lurrikarra politiko itzela jasan zuen, Euskaldunon egunkaria itxi egin zuten. Botere publiko bat hautsi, eta gure mediorik preziatuena kendu ziguten.

Egunkaria 1990.urtean sortu  zen eta egunkari honen helbururik nagusiena, independientea , plurala, aurrerakoia, nazionala eta euskararen sustatzailea izatea zen, beste ezaugarri askoren artean.

2003ko otsailean, euskal herritarrentzat egun ilun bilakatu zen, izan ere, euskaldunon egunkaria itxi zuten, bertan lan egiten zuten 10 lagun  atxilotuz, hauek inkomunikatuak egon dira eta torturak jasan dituztela aitortu  dute. ETAko kide izatea leporatzen zieten eta horregatik zazpi urtez kartzelan egon dira  epaiketaren zai. Azkenean, 2010 epaiketa egin da, eta atxilotuak absolitu egin dituzte. Izan ere, ezin ziren inolako frogetan oinarritu.

Zazpi urte pasatu ostean, atxilotuak berriro ere aske dira, baina, herriak ez du pasatutako inoiz ahaztuko are gutxiago kartzelan igarotako momentu latz horiek.

Prentsa idatzia interneten

Hedabidea idatziak krisian sartzen ari dira, izan ere, informazioa kontsumitzeko modu berria sortu da interneten bidez. Etorkizunik izango al du prentsa idatzia?

Aldaketa teknologikoak eta irakurle gazteek informazioa kontsumitzeko duten era desberdina dela eta, prentsa idatzia sekulako aldaketak jasaten ari da. Izan ere, gazteek, informazio asko kontsumitzen dute baina ezer ordaindu gabe. Honen arrazoia, aldaketa teknologikoak dira, internetek informazioa sarean dohain jasotzeko aukera ematen duelako.

Irakurleak gero eta informazio gehiago jasotzen hasi da profesionalak ez diren pertsonengandik, honen arrazoia, blogak, foroak eta bestelako guneak sortzearekin batera dator, gainera, albiste baten iritzia emateko aukera sortu da, hausnarketak egin edota eztabaidak sortu. Hala ere, iritziak libreak izan arren, batzuetan iritziak murriztuak daude, adierazpen  askatasun falta dela eta. Dena dela, blogetan, iritzia emateko  aukera zabalagoa da, baita egitateak kontatzeko, izan ere, betidanik, hedabide askok errealitatearen parte batzuk ezkutatu egin dute.  Beste alde batetik, sareari esker, informazioa gertatu bezain pronto irakur dezakegu, egun oso bat itxaron beharrean.

Nik, prentsa idatziaren gainbehera hau, aukera moduan hartzen dut. Egia esan, prentsa idatzia desagertuz gero, ez dit asko eragingo formatu digitalean irakurtzea ez didalako hain zaila egiten, gainera, modu errazago batean bilatu ditzakezu zure gustuko albisteak. Hala ere, askoz erosoagoa egiten zait, egunkaria edozein lekutan lasaitasunez irakurtzea, ordenagailu pantaila aurrean egon beharrean. Nire etxean esaterako, egunero egunkaria erosi eta irakurtzeko ohitura dago, izan ere, nire gurasoak ordenagailu baten aurrean ez ziren erabat ondo moldatuko.

Beraz, internet aukera bat  izan daiteke prentsan idatzian, baina oraindik ezin da zehaztu zer gertatuko den, argi dago bakoitza bere bidea egin beharko duela.

Ziberkazetaritza

Internet sortu zenetik, kazetaritza aldaketa nabarmenak jasan ditu. Izan ere, sareari esker, hiritar guztiak albisteak sortzeko aukera dute eta gertatu bezain laster informazio jasotzeko ere. Ondorioz, egunkarien salmentak asko jaitsi dira, zure etxeko ordenagailuan bertan jaso dezakegulako informazio guztia. Gainera aipatu behar da, sare hauek erabiltzeko erraztasuna, izenburua edo gaia soilik aipatuz, segituan ageri direlako horri buruzko idatzitako albiste guztiak, data eta tokia ere zehaztu dezakegu. Erabiltzaile eta irakurleak protagonistak bihurtzen dira, autoreak izatera pasatuko dira. Honek aukera handia ematen du, bakoitzak bere pentsamenduak, iritziak eta informazioa argitaratzeko aukera ematen duelako.

Honek, sektorean arazoak sortzen ditu baita publizitatean ere, beraz, internet-ari lotutako baliabideak bilatzera behartuta daude komunikabideak.

Baina, nork dauka albisteak kontrastatzeko ardura? Edonork albiste bat idazteko aukera baldin badu,  fidagarriak dira? Izan ere, edonork bere ikerkuntzak baliatu gabe argitara ditzake webgune batean.

Ziberkazetaritzaren bitartez, kazetaria sarean bertan kokatzen da, sareko informazioaz baliatuz edo informazioa sarean zabalduz.